(1)
ظاهرة غريبة جداً علي الفيس بوك
ظهرت من فترة و انتشرت حالياً "الحب علي الفيس بوك "
من كأم يوم صديقة ليا علي مواقع
التواصل دخلت تنزل في كلام حب من عينة أخيراً لاقيته و بعيش أحلي لحظات حياتي و
جاي من ثاني !
كواحدة فضولية جداً مش سألت
لأنها حرية شخصية لكن هي حكت لوحدها أنها أتعرفت علي حد في الفيس بوك
وقفت أسأل نفسي هو لما حد يتعرف
بحد علي الفيس بوك يقلب برنامج أنا و النجوم وهواك ، لكن في النهاية قولت يمكن دي
طريقة ترحيبها بالناس عادي .
لكن بعدها لاقيت كلام الحب زاد
و انتشر وتوغل
هو في أيه ؟ دي عمل أرتباط بكذا
!!
أمتي و أزاي و فين ؟
أبداً أتعرفت عليه في جروب كلمة
في حكاية حبيته و ارتباطنا
قابلتي .. فهمتي ..تعرفي أهله
.. يعرف أهلك .. حدد معهم ميعاد
لا .. لا .. لا .. لا.. لا
طيب حبتي و تم الارتباط علي أي
أساس ، أساس النية مثلاً !!
ما هو اللي فهمته أن الحب
شخصيتين ها يبقوا واحد لازم يفهموا بعض و يعقدوا سوا علي الحقيقة !!
ممكن تكون أساس التواصل
الإنترنت لكن مش يبقي كل التواصل !
أصل ساعات ممكن تتكلم حد
بالكتابة وصوت بالشهور ولما تقبلوا تحس أنه مش هو اللي كلمك ولا هو اللي تعرفه ؟؟
ساعتها ها تعملوا أيه ؟؟
أصل الحب مش ارتباط علي الفيس و
كلام حب وجنبه أسم واحد !!
(2)
الظاهرة الثانية اللي ظهرت
مؤخراً فريق الكورال !!
آه الفيس بوك في فريق كورال و
كبير أوي كمان ، مش مصدق
أدخل عند أي كاتب أو ممثل أو
ستاند أب مشهور و أكتب نقد فيه و ليكن مثلاً " القصة دي مش حلوة أو فكرتها
قديمة أو الدور كان وحش"
و أنت تلاقي الكورال اللي وراء
ردد في نظام مدروس التعليقات
أنت غيران منه عشان هو أحسن
ده حسد و حقد
متزعلش يا فلان دول أعداء
النجاح
دي غيرة
ثانية واحد للكورال و ياريت تسمعوه
الكلمتين دول عشان تابعني أوي :
1_ الشخص اللي بيتعامل مع جمهور
لازم يلاقي ناس حابه شغله وناس لا ناس شايفه من العظماء وناس شايفه مش موهوب أصلاً
، يعني لازم تلاقوا ناس مختلفين معكم فيه لأنه مش دين و حتى الأديان مش كل الناس متفقة
علي واحد فيها فلازم نعرف أن الاختلاف من سماتنا و لولا اختلاف الأذواق لبارت السلع
2_ موضوع الغيرة والحسد و أعداء
النجاح وارد بس مش كل من اختلف يبقي عدو و غيران .. يعني أنا مش عجبنى فيلم عادل الأمام
الأخير أبقي غيرانة منه و نفسي أبقي زيه !!
3_ كلام النقد موجه لصاحب العمل
مش للكورال ، هو لما حد يبوجهلك كلام صحبك هو اللي بيرد !!
4_ أفضلوا بقي عشان كده كثير و متعب
بجد
(3)
كأم كلمة لناس معين :
الشباب : بلاش بعد أول محادثة كلمة
أرتحتلك أوي .. قدمت و مش معقول أنك ارتحت ليها من أول كلام اللي هو بيكون عادي أوي
ومتحفظ ها
البنات: بلاش حكايات مامي و بابي
و العربية ، و شبه أنجلينا جولي عشان الكذب مش عنده رجلنا و ها توقعي يا حلوة
الناس اللي عاملة نفسها مثقفة : صدقيني باين علي
كلامك العكس مهما حولت
الناس بتاعت المصالح : قولها علي
طول مش عيب تبقي علاقتكم شغل لكن عيب تبقي شغل باسم الصداقة
الناس اللي فاكرين نفسهم أحسن: أنتم
مش مخلوقين بأوبشنات زيادة ، كلنا نسخة واحده
******************
سارة يحيي محمد
بسبب الفيس وغيره
ردحذفبقي الحب بيجي بسرعه اوي وبيخلص بنفس السرعه
ده لو اعتبرناه حب يعني
بس أنا عموما مش ضد حب النت إذا كان صادق
و صادق دي بتتعرف من الطريقة في كل حاجة
إنما لو الموضوع حوارات من الأول يبقي شكراً
ده هما الأتنين كده بيتسلوا
للأسف آه بقي بيجي بسرعة ويخلص بسرعة
حذفولا انا ضده في النهاية النت وسيلة للتعارف زى أى وسيلة لكن لازم التعارق يتخطي حاجز الواقع الافتراضي عشان الطرفين يعرفوا إذا كان في حب فعلا ولالا
و كتير أوى بقوا بيتسلوا
شكراً لمرورك
نورتنى ^_^