بداية ثانية في عالم التدوين.. اللي بدايتي الأول كانت فيه من أيام بس !
أنا حبيت عالم التدوين من ثلاثة سنين و كان نفسي أدخله ؛ بس الخوف دائما بيحط حاجز بيني وبين حاجات كثير
و في لحظة أخدت فيها كام قرص شجاعة عملت مدونة بمساعدة صديقة ليا مش ممكن ها أنسي مساعدتها ليا
كفاية أنها اللي عرفتني بمشروع الحوليات .. مشروع مفيد أوى و مرعب أوي
مرعب للناس اللي زي كده اللي يدوب بتبدأ في عالم التدوين
تقوم تتدخل عالم التدوين اليومي لمدة 365 يوم .. مش هنكر للحظة اترجعت و قولت مش ها أقدر
بس لما فكرت لمدة دقيقة لأقتني مش ها أخسر حاجة لما أحاول و أحاول
مش يمكن تحصل معجزة و أنجح في محولتي ؟؟
أينعم أحنا مش في زمان المعجزات بس أيه كبير علي ربنا سبحانه وتعالي ، عشان تكبر عليه حتة معجزة !!
ولا حاجة طبعاً يبقي أيه يمنع أني أحاول ؟ ولا أي حاجة خالص
أصلاً فكرة أنى أكتب كل يوم مخوفني لدرجة أني طول اليوم بفكر أنا هأعملها أزاي دي
فكرة أنك تكتب مذكرات عن حاجات بتحصلك لمدة سنة مرعبة
بس بخمسة دقائق تفكير !!
لأقيت أنى بمر بحاجات كثير محتاجه أقولها و أقول رأي فيها و الحوليات هي أنسب مكان
ممكن أيام تقع منى و أيام أكون مش قادرة أكتب لازم أتلغب عليها
و يكون عندى روح أني أتحدي كل حاجة و أرجع في أخر اليوم أكتب
بطريقة أدبية أو بطريقة عامية فضفضة زي ما بعمل ده الوقت
ممكن عن موقف صغير حصل أو رأي في حاجة شفتها أو سمعتها
أو عادة غلط حصلت قدامي أو رأي في رواية قرأتها أو فيلم أتفرجت عليه
أو مصيبة عملتها و حبيت أسجلها للذكري _في حالة إن متعرفش مين عملها_ حتى لو أتعرف فأكيد مش أنا :D
علي أد ما أنا مرعوبة علي أد ما أنا متحمسة
بالنسبة لمدونتي الأصلية فتكون للحاجات اللي بتكتب و هي ملهش علاقة بكل باليوم ..زى نصوص أدبية أو قصة أو مقال عشان متبقش مجهورة و خصوصاً انها جديدة و مجهورة أصلا ً :D
كانت المفروض التدوينه تنزل من بدري بس التصيب بقي
الحمدلله أني لحقت :)
آه ليه بالعامية أول مرة مع أني أقدر أكتب فصحي ؟ عشان هو الكلام كان لازم يطلع كده ^_^
دآه وربنا كان لازم يطلع كده :D
المفروض أنزل جديد انهارده بس خليها كده بداية
و بكرة بقي في كلام غير خالص كده :D
ليست هناك تعليقات:
إرسال تعليق